متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول:شو نايم ؟؟
لأ !! عم ارقص.. بس الوضع بيوحي إني نايم
***
بتطلع بميكرو وبتطلع (خمسة)وبتعطيها للي قدامك، وبكل برودة
بيسئلك: واحد ؟
لأ 60 واحد ؟ ورجعلي الباقي
***
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
إجيتوا ؟؟؟
لا والله لساتنا عالطريق، في عجقة بشارع بغداد
***
لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،
بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح صحن الديجتال
***
أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات، بس وقفت حيونة
***
حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
وجهه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام
***
حاطط راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة
***
مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب
لا والله بالعادة بفكر العب شدة وماروح لعندهم
***
بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي
شو الحل يا جماعة ؟؟
الجمعة 8 مايو - 17:32
